د افغانستان د کورنیو چارو وزارت په فراه کې د ۴۰ تنه وسلهوالو طالبانو د وژل کېدو خبر ورکړ.
په وژل شویو کسانو کې د وسلهوالو طالبانو څو پېژندل شوي قوماندانان شامل دي.
د کورنیو چارو وزارت ویاند، نجیب دانش پرون دوشنبه ازادي راډیو ته وویل، د فراه په پشت رود ولسوالۍ کې د یکشنبې په شپه پوځي عملیات پېل شوي دي.
نجیب دانش وویل:
"په وژل شوېو کسانو کې ابراهیم جریر، ملا بصیر او حافظ نېکپال شامل دي چې د هغوی د ډلې مشران وو. هغوی په عملیاتو کې له خپلو ۳۷ وسلهوالو سره یوځای وژل شوي دي."
د کورنیو چارو وزارت ویاند وویل چې وژل شویو وسلهوالو په پشترود ولسوالۍ او د فراه په نورو سیمو کې د امنیت خرابولو هڅې کولې.
وسلهوالو طالبانو پر دې مسئله خبرې نهدې کړي.