د افغانستان جمهور رئیس وايي، ترکیه د پانګونې او خصوصي سکټور په برخه کې ښې تجربې لري او افغان دولت پهدې برخه کې ترې ګټه پورته کولای شي.
افغان ولسمشر محمد اشرف غني پرون یکشنبه دا خبره د ترکیې د اقتصاد وزارت د مرستیال فتح متين په مشرۍ د ترکي پانګهوالو له یوې ډلې سره په لیدنه کې وکړه.
د ولسمشر د ویاند دفتر سرپرست شاه حسین مرتضوي پرون شپه ازادي راډیو ته وویل چې په ارګ ماڼۍ کې د دې لیدنې پر مهال ترکي پلاوي په افغانستان کې د پانګونې لپاره لېوالتیا وښوده.
دی وايي:
"ترکي پلاوي لېوالتیا وښوده چې په افغانستان کې په بېلابېلو برخو کې پانګونه وکړي. افغانستان هم د ترکیې له پانګونې ملاتړ وکړ."
د ښاغلي مرتضوي په خبره افغان ولسمشر همداراز د پانګونې لپاره د هر ډول اسانتیاوو د برابرولو ژمنه وکړه.