په سرپل ولایت کې پر یوې پوستې د دولت د وسلهوالو مخالفینو په حمله کې ۱۱ تنه پاڅونوال وژل شوي دي.
د سرپل د ولایتي شورا رئیس محمد نور رحماني نن یکشنبه ازادي راډیو ته وویل، وسلهوالو طالبانو تېره شپه ۱۱ بجې د سنګچارک ولسوالۍ په تیبیر کلي کې پر ۴۵مې پوستې برید وکړ.
د ښاغلي رحماني په وینا په پوسته کې ټول موجود کسان چې ولسي پاڅونوال وو، وژل شوي دي.
وسلهوالو طالبانو تراوسه پورې پهدې اړه څه نهدي ویلي.