د افغانستان د کرنې او مالدارۍ وزارت وایي چې د هند لهخوا مرسته شوي غنم په دې هېواد کې د غنمو د بیې پر کنټرول او کموالي اغېز لري.
د دې وزارت ویاند اکبر رستمي نن چهارشنبه ازادي راډیوته وویل چې د هند لهخوا د مرسته شویو غنمو وروستۍ برخه چې ۲۳ زره او ۴۰۰ ټنه کېږي هم چابهار بندر ته رسېدلې.
دی وایي چې دا غنم به په نږدې راتلونکي کې له چابهار بندره افغانستان ته راولېږدول شي.
د هند لهخوا د مرسته شویو غنمو لومړۍ جوپه چې ۱۵ زره ټنو ته رسېده، د تېر کال په لړم میاشت کې چابهار بندر ته ورسېده.