اتمر: امریکا بیا د افغان حکومت له پروګرامونو سره د همکارۍ ډاډ ورکړ

د افغانستان د ملي امنیت سلاکار وايي، د امریکا متحده ایالاتو یو وار بیا د افغان حکومت له پروګرامونو د خپلې همکارۍ ډاډ ورکړ.

د ملي امنیت سلاکار حنیف اتمر دا خبره پرون شپه په خپله ټویټرپاڼه کړې ده.

Had a good meeting today with Ms. Annie Pforzheimer, the US Deputy Chief of Mission in Kabul; discussed a range of issues including the Afghan Peace Process, Wolesi Jirga(Parliamentary) & District Council elections. Ms. Annie reaffirmed the US continued support from Afghanistan. pic.twitter.com/WcPac84Fil

— Haneef Atmar (@NSAAtmar) April 3, 2018

هغه ویلي چې په کابل کې د امریکا سفارت له مرستیالې اني فوريژیمایر سره په بېلابېلو مسایلو له هغې ډلې سولې او انتخاباتو غږېدلی دی.

افغان ولسمشر د فبروري په ۲۸مه طالبانو ته له قید او شرط پرته د سولې وړاندیز وکړ چې وروسته بیا د تاشکند د نړیوالې غونډې ګډونوالو هم ترې پراخ هرکلی وکړ.

اخوا د انتخاباتو کمېسیون د اعلان له مخې تمه ده تر ۱۰ نورو ورځو د ولسي جرګې او ولسوالیو شوراګانو د انتخاباتو لپاره چې د میزان په ۲۸مه کېږي د نوم لیکنې پروسه پیل شي.