د ملګرو ملتونو د امنیت شورا د تېرې اوونۍ په پای کې د حوثي یاغیانو لهخوا پر سعودي عربستان د توغندیو حملې وغندلې او په دې اړه چې حوثیانو دغه توغندي د ملګرو ملتونو پر وسلو د لګول شویو بندیزونو سره سره ترلاسه کړي، جدي اندېښنه څرګنده کړې ده.
د روسیې، چین او د سترو لوېدیځو قدرتونو په ګډون د ملګرو ملتونو د امنیت شورا ۱۵ غړو په خپره کړې اعلامیه کې وویل چې د توغندیو دغه حمله په کلکه غندي او هغه د سیمې امنیت ته جدي ګواښ بولي.
امنیت شورا دې ته هم چې حوثیان پر سعودي عربستان د دغو حملو د دوام ګواښ کوي، اندېښنه وښوده.
سعودي عربستان ایران تورن کړی چې حوثیانو تهیې لیرې واټن ویشتونکي یا بالیسټیک توغندي ورکړي دي.
تهران دغه تورونه رد کړي دي.
د ملګرو ملتونو امنیت شورا دغهراز په یمن کې د مخ په خرابېدونکي بشري وضعیت او پر ملکیانو د جګړو د اغېزو په اړه اندېښنه څرګنده کړه.
د ملګرو ملتونو د امنیت شورا په اعلامیه کې دا نهدي ویل شوي چې څوک پر وسلو د لګول شویو بندیزونو څخه سرغړونه کوي؟
تېره میاشت روسیې د لوېدیځ لهخوا وړاندې شوې د امنیت شورا د یوه پرېکړهلیک د مسودې مخه په ویتو کولو سره ډب کړه.
په دغې مسوده کې تهران د وسلو له بندیزونو څخه په سرغړونې تورن شوی و.