د مخدره موادو پر ضد د مبارزې عدلي او قضايي مرکز وايي، په ۱۳۹۶ لمریز کال کې د نشهيي موادو اړوند ۵۶۸ قضيې او ۷۴۱ مشکوک کسان د عدلي او قضايي تعقیب لپاره دې مرکز ته سپارل شوې دي.
د یاد مرکز ویاند خالد مؤحد نن په کابل کې خبریالانو ته وویل د نشهيي موادو د قاچاق په قضیو کې له نیول شویو کسانو څخه یو ایرانی، یو پاکستانی، ۲۸ ښځې او ۵۹ د عامه خدماتو کارکوونکي دي.
نوموړي وویل، تېر کال په کابل کې د نشهيي موادو اړوند ۲۰۰ جرمي قضيې او په دوهم قدم کې په ننګرهار کې ۱۰۵ قضيې ثبت شوې دي.