د وسلهوالو طالبانو یو قوماندان پرون یکشنبه په جوزجان ولایت کې وژل شوی دی.
د جوزجان د امنیه قوماندانۍ د امنیت امر عبدالحفیظ خاشي ازادي راډيو ته وویل چې د ملا نواب په نوم د وسلهوالو طالبانو دا قوماندان پرون مازیګر په پولیسو باندې تر یوه ناکامه کمین وروسته ووژل شو.
ښاغلی خاشي وايي، د هغه دوه ملګري ټپیان دي او پاتې پنځه کسان له سیمې په تېښته بریالي شوي دي.
د وسلهوالو طالبانو ویاند ذبیحالله مجاهد له رسنیو سره په خبرو کې پهدې پېښه کې د خپل یوه ملګري وژل کېدل او د دوو نورو ژوبلېدل تأیید کړي دي.