کرېملېن د اروپايي ټولنې لخوا له مسکو څخه د خپل استازي د بېرته رابللو په اړه د دې ټولنې د پرېکړې په اړه خواشیني څرګنده کړې ده.
د اروپايي ټولنې مشرانو نن په بروکسل په خپله غونډه کې وویل چې دا ټولنه دې نتیجې ته رسېدلې ده چې په ډېر احتمال روسیه په بریتانیه کې د پخواني روسي جاسوس د مسمومولو ترشا ده.
د کرېملېن ویاند دیمتري پیسکوف وویل مسکو د ارپايي ټولنې له دې اقدام سره موافق نه دی او په خبره يې روسیه د سرګې سکریپال د مسمومېدو له قضيي سره ارتباط نه لري.
د اروپايي ټولنې مشران له مسکو څخه د خپل استازي د رابللو اعلان وروسته له هغې کوي چې د بریتانیا صدراعظمې ترزا مې په انګلیستان کې پر پخواني روسي جاسوس او د هغه پر لور د زهرجنو موادو له برید وروسته، له اروپايي ټولنې د روسیې د ګواښ په وړاندې د یو موټي کېدو غوښتنه وکړه.