په کابل کې د پرونۍ چاودنې د تلفاتو د شمېر د زیاتېدو وېره شته.
د روغتیایي چارواکو په وینا د یو شمېر ټپیانو روغتیایي وضعیت د اندېښنې وړ دی.
کابل پوهنتون ته نږدې د نوروز د مراسمو پر مهال د دې چاودنې د قربانیانو د وروستۍ شمېرې په اړه د عامې روغتیا وزارت ویاند وحید مجروح ازادي راډیو ته وویل:
"د روغتیا له وزارت سره چې کومې وروستۍ شمېرې شته ۳۱ تنه وژل شوي او ۶۵ تنه ټپیان شوي دي."
داعش د دې ځانمرګي برید مسؤلیت منلی دی.