د اسرائيلو پوځ وايي، د دغه هېواد ځواکونو په غزې تاړانګه کې هغه تونل ويجاړ کړى چې د حماس ډلې افراطي وسله والو د پولې په اوږدو کې د حملو زياتولو لپاره کيندلى و.
د اسرائيلو د پوځ يوه وياند وويل، دغه تونل په ٢٠١۴مېلادې کال کې د غزې د جګړې پر مهال بند کړاى شوى و، خو حماس هڅه کوله چې بېرته يې فعال کړي.
دغه تونل د اسرائيل له سرحد څو سوه متره ليرې د حماس تر ولکې لاندې سيمه کې کيندل شوى و.
تر اوسه حماس ډلې د دې خبر په اړه تبصره نه ده کړې.