د پاکستان د بهرنیو چارو وزارت وايي چې په نوي ډيلي کې خپل جګپوړي ډيپلوماټان یې د سلامشورو لپاره راغوښتي دي.
د پاکستان د بهرنیوچارو وزارت ویاند محمدفیصل پرون وویل، دا پریکړه وروسته له هغه وشوه چې په نوي ډيلي کې دېره پاکستاني چارواکو او د هغو کورنیو له دوی سره د ناوړه چلند خبر ورکړ.
دوی همدا راز ویلي چې پر موټرسایکلونو سپرو یو شمېر کسانو دوی تعقیب کړل او غوښتل یې چې فلم یې واخلي.
اسلاماباد له دې ادعا وروسته په پاکستان کې د هند د سفارت یو ډیپلوماټ د بهرنیو چارو وزارت ته احضار کړ، خو هند تر دې دمه په دې اړه تبصره نهده کړې.
د پاکستان د بهرنیو چارو وزارت ویاند وویل، تمه ده چې په هند کې د پاکستان لوی کمېشنر هم په روانه اوونۍ کې خپل هېواد ته ستون شي.
پاکستان او هند اکثر د یو بل ډيپلوماتان په جاسوسي تورنوي.