د جرمني پارلمان نن انګلا مېرکل د څلورمې دورې لپاره د دې هېواد د صدراعظمې په توګه وټاکله.
د پارلمان د استازو جرګې مېرکل ته رأیه ورکړه او تمه ده چې هغه به نن په برلین کې د ولسمشر فرانک والټر شټاین مایر په دفتر کې لوړه وکړي.
د پارلمان په نننۍ پرېکړې سره د اروپا د ستر اقتصاد لرونکي جرمني د څو میاشتو سیاسي لانجه پای ته ورسېده.
د جرمني چپ لاسی سوسیال ډموکرات ګوند له انګلا مېرکل سره په ائتلاف کې شامل دی.