د ارزګان ولایت سیمهییز امنیتي چارواکي وايي، تېره ورځ د دغه ولایت په مرکز او ولسواليو کې د افغان هوايي ځواک د بریدونو پر مهال ۲۳ وسلهوال طالبان وژل شوي او ۶ تنه نور ټپیان دي.
په دغه ولایت کې د ملي اردو د څلورمې پلې لوا قوماندان ډګروال رحمت شاه قیمتي نن یکشنبه ازادي راډيو ته وویل چې افغان هوايي ځواکونو تېره ورځ د دغه ولایت چوره ولسوالۍ اړوند «اخترکلي» کې د وسلهوالو طالبانو پر يوه مرکز برید کړی چې پر مهال یې ۱۷ وسلهوال طالبان وژل شوي او ۶ تنه نور ټپیان دي.
نوموړی وايي چې د یاد برید پر مهال د وسلهوالو طالبانو یو شمېر سپکې او درنې وسلې هم لهمنځه وړل شوي دي.
ښاغلي قیمتي دغه راز وویل چې تېره ورځ د دغه ولایت مرکز ترینکوټ «دراف شان» سیمه کې هم افغان هوايي ځواکونو د وسلهوالو طالبانو پر پټنځای بریدونه کړي چې پر مهال يې ۶ وسلهوال طالبان وژل شوي دي.
وسلهوالو طالبانو تراوسه پهدې اړه څه نهدي ویلي.