په پنجشېر ولايت کې د واورې ښویدنې په نتيجه کې يو کس وژل شوی او څلور نور ټپيان شوي دي.
پېښه د پنجشېر ولایت په خنچ ولسوالۍ کې شوې ده.
د پنجشېر ولايت له طبيعي پېښو سره د مبارزې رئيس حميدالله بخشي ازادي راډيو ته وويل چې ټپيان روغتون ته انتقال شوي دي.
د دې تر څنګ په سږ کال ژمي کې د پروان ولايت په غوربند او سالنګ ولسوالیو کې هم د واورو د ښویدنې له کبله، زيانونه اووښتي دي.
تېر کال هم په پنجشېر ولايت کې د واورو د ښویدنو له کبله شااوخوا ۳۰ کسان وژل شوي وو.