په سوېلي کوریا کې د ژمني المپيک سیالیو په څلورمه ورځ جرمني د سرو زرو د درېیو او د برونزو د يوه مډال په ګټلو سره لومړی مقام لري.
له جرمني وروسته هالنډ د سرو او سپین زرو د دوو دوو او د برونزو د يوه مډال په لرلو سره دوهم او د امریکا متحده ایالات بیا د سرو زرو د دوو او د سپین زرو او برونزو د يوه يوه مډال په ګټلو درېیم ځای لري.
د ورکړل شویو معلوماتو له مخې، د ۲۰۱۸ کال په ژمنیو المپیکي سیالیو کې له ۹۲ هېوادونو نږدې ۳۰۰۰ لوبغاړو ګډون کړی چې په ۱۵ بېلا بېلو ورزشي رشتو کې لوبې کوي.
د ژمني المپیک ۲۳ مپړاو سیالۍ د جمعې په ورځ د جنوبي کوريا په کوربهتوب په پيونګ چانګ ښار کې پیل شوي چې د فبرورۍ د میاشتې تر ۲۵مې به دوام کوي.