د افغانستان د صرافانو شورا په ټول هېواد کې خپلې څانګې تړلې دي.
د دغه شورا ویاند ضیا الکوزي نن ازادي راډیو ته وویل چې د صرافانو شورا نېږدې درې میاشتې وړاندې د افغانستان بانک ته خپلې ۲۲ غوښتنې چې په هغه کې صرافانو ته د جوازونو ورکړه، خلکو ته د پورونو د وکړې بهیر او د دوی په چارو کې د افغانستان بانک د نه مداخلې موضوعات شامل دي وړاندې کړي، خو د افغانستان بانک لخوا تر اوسه ورته هېڅ پاملرنه نه ده شوې.
د افغانستان د صرافانو شورا له تېرې چهارشنبې ورځې راهیسې په ټول هېواد کې خپلې څانګې تړلې دي.
بلخوا د افغانستان بانک ویاند اېمل عاشور وايي، د صرافانو د شورا هغه غوښتنې چې قانوني دي ورته رسېدنه کېږي او هغه چې د بانکوالۍ د قانون خلاف دي ردوي یې.