- بلومبرګ
د بلومبرګ خپرونې په یوه لیکنه کې د پاکستان د صدراعظم شاهد خاقان عباسي وروستیو څرګندونو ته اشاره کړې ده.
د خپرونې په وینا عباسي ویلي، د افغانستان اوږد کړکېچ په نظامي هڅو نهحل کېږي.
د پاکستان صدراعظم په یوه مرکه کې زیاته کړې چې اسلاماباد د افغان حکومت او طالبانو ترمنځ خبرو اترو کې منځګړتوب ته چمتو دی.
خپرونه وايي، پاکستان په وار وار پر خپله خاوره د هغو وسلهوالو ډلو خلاف د کافي اقداماتو په نهکولو تورن شوی چې د دې هېواد په ګاونډیو هېوادونو کې بریدونه کوي.
د افغانستان د سولې کیلي له پاکستان سره ده.
په دې لړ کې د امریکا ولسمشر ډونالد ټرمپ د روان میلادي کال په لومړۍ ورځ د پاکستان سره له همدې کبله د خپل هېواد د پوځي مرستو د ځنډولو اعلان وکړ او پر خپل ټویټر یې ولیکل چې پاکستان د امریکا د مرستو په بدل کې له "دروغ او فریب" پرته نور څه نهدي ورکړي.
خپرونه د افغان ولسمشر اشرف غني هغه څرګندونو ته هم اشاره کوي چې د جمعې په ورځیې پاکستان د طالبانو مرکز وباله او ویېویل، د وسلهوالو لېست او معلوماتیې پاکستاني لوري ته سپارلی دی.
ولسمشر غني له پاکستانه وغوښتل چې افغانستان ترې د عملي اقدام غوښتونکی دی.
خپرونه وايي، افغانستان تر دې مخکې هم په وار وار ویلي چې د افغانستان د سولې کیلي له پاکستان سره ده، خو د کابل د حکومت انتقاد دا دی چې اسلاماباد د سولې خبرو ته د طالبانو د حاضرولو لپاره هېڅ نهدي کړي.
- ګارډین
د ګارډین ورځپانې بیا په کابل کې له وروستیو خونړیو بریدونو وروسته دغلته د خلکو ترمنځ زیاتې شوې وېرې ته په اشارې وايي، له افغانستانه یو شمېر خلک د وتلو په هڅه کې دي.
ورځپاڼې د کړکېچ د نړیوالې ډلې د کابل مېشتي څېړونکي برهان عثمان له خولې وايي، له هېواده د افغانانو په ځانګړې توګه د ځوانانو د وتلو د یوې څپې شاهد دی.
په لیکنه کې وړاندې ویل شوي چې خلکو د راتلونکي لپاره هیلهمندي او پر سوله باور له لاسه ورکړی دی.
ورځپاڼې وړاندې ویلي، په تېر یوه کال کې د وسلهوالو د بریدونو زیاتېدو او په تېره میاشت کې په کابل کې خونړیو بریدونو د افغانانو اعتراضونه راپورته کړي دي.
ورځپاڼې د یو شمېر افغانانو له خولې وايي، څنګه کولای شي پر یو داسې حکومت اعتماد وکړي چې حتی د پایتخت کابل امنیت نهشي ساتلی.