د روسیې د بهرنیو استخباراتو د ادارې مشر سرګي ناریشکین تېره اوونۍ له واشنګټنه بهر د امریکا له استخباراتي چارواکو سره خبرې کړې دي.
د روېټرز خبري اژانس وايي، له دې لیدنې خبرو دوو سرچینو ورته ویلي چې سرګي ناریشکین د امریکا د ملي استخباراتو د ادارې له مشر ډن کوټز او د دې ادارې له یو شمېر نورو غړو سره کتلي، خو د خبرو جزئیاتیې نهدي په ډاګه کړي.
د روسیې خبري اژانس تاس په واشنګټن کې د روسیې د سفیر اناتولي انتونوف د یوې مرکې په استناد دا لیدنه تأیید کړې او ویلي یې دي چې دې روسي او امریکايي استخباراتي چارواکو د ترهګرۍ د مشترکې ستونزې په اړه خبرې کړې دي.
د چارواکو په وینا په ۲۰۱۴ میلادي کال کې د روسیې لهخوا د اوکراین د کریمیا د ټاپو وزمې د لاندې کولو له کبله د امریکا او روسیې په اړیکو کې د ترینګلتیا سربېره دا دواړه هېوادونه د سخت دریځو وسلهوالو پر ضد د مبارزې په شمول په ځینو برخو کې همکاریو او د معلوماتو شریکولو ته دوام ورکوي.