عراقي چارواکي وایي، امریکایې پوځي الوتکې په تېروتني سره د دغه هېواد په لوېدیځ ولایت الانبار کې د قبایلي ملېشو او ملکي وګړو پر یوې غونډې برید کړی او لږ ترلږه اوه تنه پکې وژل شوي دي.
سیمه ییز چارواکي وایي، لږ ترلږه ۱۱ نور په دې پېښه کې ټپیان شوي دي.
دا پېښه نن شنبه شوې ده.
دغه چارواکي زیاتوي چې په وژل شویو کې امنیتي پرسونل او ملکیان دواړه شامل دي.
اسوشېټېډ پرېس خبري اژانس د دوو عراقي پوځي افسرانو له قوله ویلي چې د امریکا ځواکونو فکر کاوه چې هلته یاغیان راټول شوي دي.
دغو افسرانو د نوم نه ښودلو په شرط رسنیو ته خبرې کولې.
د عراق پوځ د دې پېښې په اړه د تحقیقاتو امر کړی دی.