د افغانستان د ملي اردو یو لوړپوړی چارواکی په فراه کې د وروستیو عملیاتو په ترڅ کې د دولت وسلهوالو مخالفینو ته د درنې مرګ ژوبلې د اوښتو خبر ورکوي.
د ۲۰۷ ظفر قول اردو قوماندان جنرال عبدالناصر هدایت پرون یکشنبه «۱۳۹۶ کال د سلواغې ۰۱» په فراه کې په یوه خبري غونډه کې وویل چې د تېرو درې ورځو عملیاتو په نتیجه کې چې تر ډېره پر دښمن هوایي بریدونه شوي، له ۵۰ زیات وسلهوال مخالفین وژل شوي او په لسګونه نور ټپیان شوي دي.
نوموړی وايي:
"زموږ په دغو هوایي بریدونو کې د دښمن ۵۱ تنه وژل شوي، ۲۱ تنهیې ټپیان شوي. نهه عرادې وسایلیې په بشپړ ډول لهمنځه تللي. دوه میله دهشکه او دغهراز یو زیات شمېر نورې وسلې او مهماتیې هم لهمنځه تللي دي."
په داسې حال کې چې د ۲۰۷ ظفر قول اردو قوماندان په دې ولایت کې د دولت وسلهوالو مخالفینو د ځپلو خبره کوي، د فراه د ولایتي شورا د یو شمېر غړو په ګډون د فراه ښار اوسېدونکي بیا ازادي راډیو ته په دې اړه اندېښنه څرګنده کړې چې د جګړو لمن ورځ تر بلې د ښار څنډو ته رانږدې کېږي.
د ناامنیو په یوې وروستۍ پېښه کې وړمه ورځ د فراه ښار په یوې څنډه کې د دې ولایت د امنیه قوماندانۍ د امنیت امر له خپلو دوو ملګرو سره ووژل شو.