د امریکا په متحده ایالاتو کې د لاټري دوو ګټونکو څه باندې یو میلیارد ډالره جایزه ترلاسه کړه.
چارواکو پرون یکشنبه «۱۳۹۶ کال د مرغومې ۱۷» وویل، یوه کس په فلوریډا کې د مېګا میلیونز له لارې ۴۵۰ میلیونه ډالره وګټل او یوه بل کس هم په نیوهمپشایر کې ۵۶۰ میلیونه ډالره وګټل.
د ګټونکو نومونه تر اوسه پورې نهدي افشا شوي.
د ۵۶۰ میلیونه ډالري جایزې ګټونکي خپل ټکټ په مېرمیک ښار کې اخیستی و.
په مېرمیک ښار کې د ټکټ پلورونځی به د ګټونکي ټکټ د پلور په خاطر ۷۵ زره ډالره جایزه تر لاسه کړي.
د دې پلورنځي مالکې "Sam Safa" ویلي چې زه ډېره خوشحاله او حیرانه یم.
۵۶۰ میلیونه ډالریزه جایزه په مېګا ډراز کې شپږمه لویه جایزه ده چې تر اوسهیې خلک په ګټو بریالي کېږي.
د فلوریډا بریالي ټکټ پلورنځي ته هم یو لک ډالره جایزه ورکول کېږي.