د سعودي عربستان لوى څارنوال تأييد کړه چې د سعودي عربستان د شاهي کورنۍ ۱۱ شهزادګان نيول شوي دي.
دوى د دغه شاهي هېواد د اقتصادي سپما په وړاندې اعتراض کړى و.
لوى څارنوال سعودي المجيب نن یکشنبه وويل، دغه شهزادګان د سولې او عامه نظم د ګډوډولو په تور محاکمه کېږي.
دغه شهزادګان وروسته له هغې ونيول شول چې په رياض کې له قصرالحکم تاريخي ماڼۍ بهر راغونډ شوي وو.
د سعودي عربستان حکومت د عوايدو د زياتېدو لپاره په تېرو دوو کلونو کې د سپما لپاره ځينې اقدامات کړي دي.