په جوزجان ولایت کې د افغان ځواکونو د هوايي عملیاتو په نتيجه کې د داعش ډلې ۱۸ جنګيالي وژل شوي دي.
په شمال کې د ۲۰۹م شاهين قول اردو وياند نصرتالله جمشيدي د دوشنبې په ورځ «۱۳۹۶ کال د مرغومې ۱۱» ازادي راډيو ته وويل چې په وژل شويو کسانو کې د داعش دوه قوماندانان قاري شاجه او اقا رحيم هم شامل دي.
دی وايي:
"موږ چې کشفي راپور تر لاسه کړ، عملیات سمدستي وشول او وژل شوي کسان ټول له داعش سره تړاو لري. موږ چې د هوا له لارې عملیات کوو، ډېر په دقت تر سره کېږي، ځکه ځايي خلکو ته هېڅ ډول زیان نهدی رسېدلی."
دا عملیات د جوزجان ولايت د درزاب ولسوالۍ په اق کوتل ولسوالۍ کې شوي دي.
ښاغلي جمشیدي زياته کړه چې ټاکل شوې ده د جوزجان ولايت په درزاب ولسوالۍ کې د داعش ډلې پر وړاندې تصفيوي عملیات پیل شي.