د چین له لورې د یوې افغان لوا جوړېدل به څه ګټه وکړي؟

د افغانستان دفاع وزارت وايي، چین ژمنه کړې چې په واخان کې به د یوې افغان لوا د جوړېدو او تجهیز ټول لګښت په غاړه واخلي.

چین دا موافقه پیکېنګ ته د افغانستان د دفاع وزیر د سفر په ترڅ کې وکړه.

د افغانستان دفاع وزیر طارق شاه بهرامي له چینايي چارواکو روانه اوونۍ د خپل سفر په ترڅ کې وغوښتل چې په خپله خاوره کې لا ډېر افغان پوځیان وروزي.

په داسې وخت کې چې لوېدیځ هېوادونه د افغانستان له امنیتي ځواکونو سره هرکال په میلیارډونو ډالر مرسته کوي، د چین له لورې د یوې لوا جوړېدل به څه ګټه وکړي؟
دا پوښتنه احمد شیبر د پوځي چارو له کارپوه جنرال عتیق الله امرخېل څخه د مرکې په پیل کې کړې ده:

له جنرال عتیق الله امر خېل سره مرکه