د نړۍ د کاتوليکانو مشر پاپ فرانسېس وايي، پر نړۍ د جګړې بادونه را الوتي دي.
پاپ فرانسېس په واتيکان کې د دوشنبې په ورځ «د ۱۳۹۶ کال د مرغومي په ۴ ۰»د کرسمېس په مراسمو کې خبرې وکړې.
ده په منځني ختيځ کې د دوو دولتونو رامنځته کولو پر حللاره ټينګار وکړ.
فرانسېس زیاته کړه:
"موږ د منځني ختيځ په کوچنیانو کې عيسی وينو چې د اسرائيليانو او فلسطینيانو د لانجو له کبله په دوامداره توګه کړېږي. راځئ دعا وکړو چې په سیمه کې د ښکېلو لوریو تر منځ مذاکرات بېرته پيل شي او دوه دولتونه اسرائيل او فلسطین له يو بل سره په سولهييزه توګه و اوسي."
په داسي حال کې چې عيسويان د حضرت عیسی د ولادت ورځ لمانځي، پاپ فرانسېس د کوريا ټاپو وزمې د لانجو د حل لپاره هم دعا وکړه.
د امریکا ولسمشر ډونالډ ټرمپ لهخوا د اسرائيل د پلازمېنې په توګه د بيتالمقدس په رسميت پېژندلو له پرېکړې وروسته په منځني ختيځ کې تاوتريخوالی زیات شوی دی او د شمالي کوریا د اټمي پروګرام له کبله په اسيا کې وضعيت ترینګلی شوی دی.