یوه مسافر وړونکې کښتۍ چې ۲۵۱ تنه سپرلۍ پهکې وه، د فیلیپین په ختیځو سواحلو کې ډوبه شوې ده چې ویل کېږي تلفات هم لري.
د ساحلي ساتونکو په خبره دا پېښه نن داسې مهال شوې چې دغه کښتۍ له رییل "Real" ښار څخه د پولیلو "Polillo" ټاپو پر لور روانه وه.
د راپورونو له مخې یو شمېر سپرلۍ ژغورل شوې، خو وایي د ژغورنې کښتۍ او هلیکوپټر چې سیمې ته لېږل شوي، د خرابې هوا له کبله په سمه توګه فعالیت نهشي کولای.
د فیلیپین د ساحلي ساتونکو ویاند ارماند بالیلو ویل چې د تلفاتو په اړهیې اورېدلي، خو وایي د بشپړو معلوماتو ترلاسه کولو هڅې یې دوام لري.
دا ډول پېښې په فیلیپین کې چې اغلب له توپانونو سره مخامخ وي، عادي خبره ده.