هغه فضایي بېړۍ یا سفینه چې درې تنه عمله پهکې دي، نن له نړیوال فضایي سټېشن څخه په قزاقستان کې راښکته شوه.
دغه درې تنه ستور مزلي چې یو روسی سرګي ریازانسکي، د امریکا د فضایي سازمان ناسا غړی راندي برېسنېک او د اروپایي فضایي ادارې څخه ایټالوۍ پاولو نیسپولي دي، ۱۳۹ ورځې په فضا کې تېرې کړي.
د روسیې سیوز فضایي بېړۍ چې ۳ ستور مزلي پهکې سپاره وو، د جولای په وروستیو کې د قزاقستان د بایکونور فضایي اډې څخه سفر پیل کړی وو.
ټاکل شوې د ډسمبر پر ۱۷مه د امریکا، روسیې او جاپان څخه ستور مزلي له بایکونور فضایي اډې څخه د نړیوال فضایي سټېشن پر لوري حرکت وکړي.