افغان ولسمشر اشرف غني د اسلامي هېوادونو مشرانو په یوې فوق العاده غونډه کې د ګډون لپاره د ترکیې استانبول ښار ته تللی.
له ارګه په دې اړه تېرماښام یوې خپرې شوې خبرپاڼې کې ویل شوي چې ولسمشر اشرفغني به نن چهارشنبه «۱۳۹۶ کال د لیندۍ ۲۲»په دې غونډه کې وینا وکړي چې په کې"د بیتالمقدس په رسمیت پېژندلو او دغه ښار ته د امریکا متحدو ایالتونو د سفارت د انتقال په اړه د افغانستان د حکومت او خلکو لیدلوری او اندېښنه بیان کړي."
دا چې ولسمشر غني به په ترکیه کې د اسلامي هېوادونو د مشرانو په دې ځانګړې غونډه کې پر ګډون سربېره له ترکیې او نورو هېوادونو د چارواکو او مشرانو سره لیدنې کتنې ولري او کنه؟ ارګ یې په اړه جزئیات نهدي ورکړي.
بلخوا د افغان حکومت یوې سرچینې ازادي راډیو ته تائید کړې، د ملي امنیت ځواکونو تېره ورځ په کابل ښار کې د افغان ترک پر یو ښوونځي عملیات کړي او دغلته یې یو مشکوک کس نیولی دی.
د نیول شوي کس یا کسانو د هویت په اړه څه نهدي ویل شوي.
خو پر افغان- ترک ښوونځي دې عملیاتو دا پوښتنې راپیدا کړي چې ایا دا عملیاتو خو به ترکیې ته د ولسمشرغني له سفر سره تړاو نهلري، چېرې چې ولسمشر رجب طیب اردوغان د افغان ترک ښوونځي د خپل سیاسي مخالف فتحالله ګولین سره تړلي بولي.