د سعودي عربستان حکومت وایي، د تجارتي فلمونو سالونونو ته اجازه ورکوي چې له راتلونکي کال څخه په دې هېواد کې پرانیستل شي.
د اطلاعاتو او کلتور وزارت نن دوشنبه اعلان وکړ چې تجارتي سینماګانې به له څه باندې ۳۵ کلونو وروسته د لومړي ځل لپاره د راتلونکي ۲۰۱۸ میلادي کال له پیله په دې هېواد کې فعالیت پیل کړي.
دغه وزارت اټکل کوي چې تر۲۰۳۰ کال پورې به ۳۰۰ سینماګانې فعالې شي.
دې وزارت د سینماګانو پرانیستل د اقتصادي ودې او تنوع لپاره مهم بللي دي.
سینماګانې په دې هېواد کې چې ټولنهیې محافظه کاره ده، د ۱۹۸۰ لسیزې له پیله د سخت دریځو چې هغه د کلتور او مذهب هویت ته ګواښ بولي، د فشارونو له امله تړل شوې دي.
پر دغه بندیز انتقاد کوونکي استدلال کوي چې د انټرنټ په عصر کې دغه بندیز هېڅ معنی نهلري.
دغه اقدام د هغو اصلاحاتو یوه برخه ده چې د سعودي ولیعهد شهزاده محمد بن سلمان لهخوا پیل شوي دي.
هغه په ټولنه کې د پراخو ازادیو د رامنځته کېدو په ترڅ کې دغهراز له راتلونکي کال څخه پر ښځینه موټر چلوونکو هم بندیز لېرې کړی دی.