د افغان حکومت اجرائیه ریاست وايي، چین چمتووالی ښودلی چې د کابل او اسلام ترمنځ د اړیکو د ښه کېدو لپاره د منځ کړي رول ولوبوي.
د اجرائیه ریاست د ویاند مرستیال جاوید فیصل نن ازادي راډیو ته وویل چې د چین صدراعظم دغه وړاندیز د شنګهای غونډې په څنده کې اجرائیه رئیس ته کړی دی.
د ښاغلي جاوید په خبره که څه هم تراوسه د دغه وړاندیز په اړه موافقه نه ده شوې، خو دوی له هر هغه اقدامه هرکلی کوي چې د افغانستان او پاکستان اړیکې ښې کړي.
د ښاغلي فیصل په خبره د چین د وړاندیز پراساس او که افغان حکومت موافقه وکړي نو د افغانستان، پاکستان او چین درې اړخیزه ناسته به ترسره کېږي.
دا په داسې حال کې چې په دې وروستیو کې د کابل او اسلام اباد اړیکې تر بل هروخت ترینګلې شوي او د ښه کېدو لپاره هڅو نتیجه نه ده ورکړې.