د ننګرهار د خوګیاڼو ولسوالۍ په وزیرو سیمه او شااوخوا کلیو کې د طالبانو او داعش وسلهوالو ترمنځ جګړه لا هم دوام لري چې دواړو خواوو ته د تلفاتو سربېرهیې ولسي خلکو ته درانه زیانونه اړولي او په زرګونه کورنۍ یې د خپلو سیمو پرېښودو ته اړ کړي دي.
په عین حال کې د افغانستان د دفاع وزارت وايي، د ننګرهار په خوګیاڼو ولسوالۍ کې یې د داعش او نورو وسلهوالو ډلو د ځپنې په هدف هوايي عملیات پیل کړي او ځمکني ځواکونه هم سیمې ته استول شوي دي.
د افغانستان د دفاع وزارت ویاند جنرال دولت وزیري، تېره شپه ازادي راډیو ته وویل چې په څو ورځو کې به د خوګیاڼو ولسوالۍ په بشپړه توګه د داعش له وسلهوالو په پاکه شي.
یو شمېر ځايي اوسېدونکو ازادي راډیو ته ویلي، تر اوسهیې هغه سیمو کې چې د داعش او طالبانو ترمنځ پهکې جګړه روانه ده د حکومتي ځواکونو کوم خوځښت نهدی لیدلی.
ځايي خلک وايي، د جګړې له سیمې په زرګونه بېځایه شوې کورنۍ، د سیمې په سړه هوا کې عاجلو او بېړنیو مرستو ته اړتیا لري.