د افغانستان د سوداګرۍ او صنایعو خونه وايي د هوايي دهلېز د ستونزو د هواري په هدف د دې خونې د مرستیال خانجان الکوزي په مشرۍ یو پلاوی هندوستان ته تللی او د دې هېواد له مسؤلینو سرهيې خبرې اترې کړې دي.
د سوداګرۍ او صنایع خونې ویاند صیامالدین پسرلي نن ازادي راډيو ته وویل چې هندي مسؤلینو ژمنه کړې چې ډېر ژر به یادې ستونزې حل کړي.
د هغه په خبره باید د افغانستان تازه مېوه ژر انتقال او تخلیه او ګمرکي ستونزې حل شي.
ښاغلي پسرلي دا هم وویل، د دوی غوښتنه دا ده چې د رخصتیو په ورځو کې صادرات ترسره شي.