د افغانستان د مالیې وزارت د عوایدو ریاست وايي، د تېرو کلونو په پرتله سږ کال ملي عوایدو ۹ سلنه زیاتوالی موندلی.
د دغه وزارت د عوایدو عمومي رئیس حبیب ځدراڼ نن دوشنبه د «۱۳۹۶ کال د لړم ۲۹» ازادي راډيو ته وویل، سږ کال د تېر کال په پرتله له ۱۶.۱۱ میلیارده افغانیو زیات عواید راټول شوي دي.
ښاغلي ځدراڼ وویل:
"زموږ د نویو موندنو له مخې، تر اوسه ۱۴۰،۲۵ ميلیارده افغانۍ راټولې شوي چې د تېر کال په پرتله ۹ فیصده زیاتوالی ښيي."
تېر کال د راټولو شویو ملي عوایدو کچه ۱۲۹،۰۹ ميلیارده ډالرو ته رسېده.
د مالیې وزارت چارواکي وايي، دغه عواید تر ډېره له ګمرکونو او دولتي ادارو راټول شوي دي.