د امریکا پوځ وايي، په نایجر کې د اکټوبر د څلورمې نېټې د برید په اړه د تحقیقاتو لپارهیې خپل کارپوهان دې هېواد ته استولي دي.
د اسلامپالو اورپکو په دې برید کې ۴ امریکایي او ۴ د نایجر سرتېري ووژل شول.
په افریقا کې د امریکا پوځي قرارګاه پرون وویل، دا څېړنې په امریکا، افریقا او اروپا کې د امریکايي اېجنسیو د پراخو تحقیقاتو یوه برخه ده او هدفیې د دې حملې د څرنګوالي معلومول دي.
د امریکايي څېړونکو له ډلې سره د نایجر پوځیان هم ملګري دي.
واشنګټن پوسټ د کلیوالو عیني شاهدانو په حواله خبر ورکړی چې په دې حمله کې د یوه وژل شوي امریکا بریدګي لا دېوېد جانسن مړی په داسې حال کې موندل شوی و چې لاسونهیې تړلي وو او د ککرې شااوخوا تهیې یو لوی زخم لیدل کېده.
د دې معنی دا ده چې نوموړی ښايي لومړی نیول شوی او وروسته اعدام شوی وي.
پنټاګون وايي چې تر دې دمه دا راپور نهشي تائیدولای.