د افغانستان دفاع وزارت وايي، که پاکستان اوسني دریځ ته دوام ورکړي افغان حکومت به په هغه هېواد کې له هرې ممکنې لارې د ترورېستانو له ځپلو ملاتړ وکړي.
د ملي دفاع وزارت ویاند جنرال دولت وزیري پرون ازادي راډيو ته وویل، د امریکا د نوې پالېسۍ له اعلان راوروسته پاکستان د ترهګرو د ځپلو لپاره کوم کار نهدی کړی.
هغه ټینګار وکړ چې افغان حکومت تر خپل حده له پاکستانه غواړي چې ترورېستان وځپي او که دا هېواد بیا هم له ترورېستانو ملاتړ کوي افغانستان د امریکا او نړیوالې ټولنې د فشارونو په سبب د ترهګرو د ځپلو غوښتونکی دی.
د افغانستان دفاعي چارواکو وروسته له هغه دا خبره وکړه چې مشر امریکايي څېړونکي مایکل کوګلمن ویلي، له دې چې پاکستان د امریکا هدفونه نهشي پوره کولای ممکن دا هېواد په بلوچستان او خېبر پښتونخوا کې په ترهګرو د بېپیلوته الوتکو بریدونه وکړي.