د اروپا د اتلولۍ لیګ په لړ کې نن د سې شنبې په شپه بارسلونا له المپیا کاس سره لوبه کوي.
د دغه لیګ د نن شپې په لوبو کې چلسي له روما، بایرن مونیخ له سلتیک، مانچستر یونایتد له بنفیکا، سپورټینګ له ایونتوس او اتلتیکو مادرید له کارابک سره د لوبې ډګر ته وځي.
دغه ټولې سیالۍ د کابل پر وخت د شپې په ۱۲ بجو او ۱۵ دقیقو ترسره کېږي.
دغه راز د اسپانیا د لالیګا سیالیو په لړ کې تېره شپه دیپورتیو ۳ د ۱ په وړاندې لاس پلماس او اسپانیول ۱ د صفر په وړاندې ریال بتیس ته ماته ورکړه.