سعودي عربستان پرون پرېکړه وکړه چې په راروان کال کې به ښځو ته اجازه ورکوي چې ورزشي سټدیومونو ته ولاړې شي.
د سعودي عربستان د ورزش عمومي اداره دا اعلان په داسې حال کې کوي چې د سعودي په ډېره محافظهکاره ټولنه کې پر ښځو محدودیتونه په کمېدو دي.
د سعودي حکومت له دې مخکې په سپټمبر میاشت کې اعلان وکړ چې د لومړي ځل لپاره ښځو ته د موټر چلولو اجازه ورکوي.
دا بدلونونه د سعودي عربستان د ولیعهد محمد بن سلمان لهخوا د اصلاحاتو د هغه پلان یوه برخه ده چې د ۲۰۳۰ کال د تصور په نوم یادېږي.
د سعودي ولیعهد پرېکړه کړې چې ځیني قوانین اصلاح کړي او د هېواد د اقتصاد د تېلو په دودیز بنسټ کې بدلون راولي.