د افغانستان دفاع وزارت وایي، د دغه هېواد د هوایي ځواک د پیاوړتیا په هدف د پوځي هلیکوپترو او نورو جنګي الوتکو رسېدل دوام لري.
د دغه وزارت ویاند دولت وزیري داسې مهال دا خبره کړې چې د جینز انټرنیټي پاڼې د راپور له مخې ټاکل شوې، په نېژدې راتلونکې کې شپږ سوپرتکانو جنګي جټ الوتکې افغانستان ته ورسېږي.
ښاغلی وزیري وایي، تر اوسه په دې اړه معلومات نهدي ور رسیدلي، خو زیاتوي چې د افغانستان د هوایي ځواک د پیاوړتیا پروسه به دوامداره وي:
"زموږ هوایي ځواک په دوامداره ډول پیاوړی کېږي. سوپرتکانو هم راځي، MD530 او بلک هاک هم زموږ هوایي قواوو ته ورکول کېږي. یعنې دا یوه حیرانوونکې خبره نهده او دا پروسه به دوام ولري."
ټاکل شوې د امریکا متحده ایالات تر ۲۰۲۴ میلادي کال پورې ۱۵۹ بلک هاک هلیکوپترې او نورې جنګي الوتکې افغان هوایي ځواک ته ورکړي.