د هرات چارواکي وايي، په چشت شریف ولسوالۍ کې د وسلهوالو طالبانو پر یوه غونډه په هوايي حمله کې زیات وسلهوال وژل شوي دي.
د هرات د والي ویاند جېلاني فرهاد نن سهار ازادي راډیو ته وویل چې بمبار د چشت شریف ولسوالۍ په دره تخت سیمه کې شوی دی.
فرهاد د سیمهیيزو سرچینو په حواله وویل چې زیات وسلهوال وژل شوي، خو دقیق شمېر يې نهدی څرګند.
جیلاني فرهاد وویل :
"دا سیمې د بېپيلوټه الوتکو له لوري بمبار شوې او د دولت دښمنان له سیمې وتښتېدل."
د هرات د والي ویاند زیاته کړه چې د وسلهوالو طالبانو د غونډې هدف نهدی څرګند شوی.
طالبانو په دې اړه خبرې نهدې کړي.