د اذربایجان په پلازمېنه باکو کې پرون شنبه سلګونه کسانو د اداري فساد پر ضد په مظاهره کې ګډون وکړ.
دا مظاهره په اذربایجان کې د ډموکراتیکو ځواکونو ملي شورا چې په هغه هېواد کې د اپوزېسیون یو شمېر فعالانیې غړي دي، تنظیم کړې وه.
د باکو پولیسو په یوه بیان کې ویلي چې ۱۲۰۰ کسانو په مظاهره کې ګډون کړی و.
خو د اذربایجان خبري اژانس "توران" ویلي چې زرګونع کسانو پهکې برخه اخیستې وه.
مظاهرهچیانو پرون د "اداري فساد ختم کړئ! " او "سیاسي زندانیان ازاد کړئ!" نارې وهلې.