د امریکا د لاس ویګاس ښار پولیس وايې، دغلته د تیرې شپې په ډزو کې څه د پاسه ۲۰ کسان وژل شوي او شااوخوا ۱۰۰ نور ژوبل دي.
دا ډزې د ویګاس ښار منډالیا بای هوټل ته نېږدې شوې دي.
د پولیسو ویاند جوی لومبارډو نن دوشنبه خبریالانو ته وویل چې برید کونکی چې د پولیسو له خوا وژل شوی، د هوټل له ۳۲ پوړ څخه پر خلکو ډزې کړې دي.
د لومبارډو په خبره، برید کونکی د سیمې یو اوسېدونکی و او د موسیقۍ پر یوه فیسټیوال یې ډزې کړې دي.
په دې پېښه کې یو شمېر پولیس هم وژل شوي دي.
پولیس وايې، د هغې یوې اسیايي نژادې ښځې لټون کوي چې له مشکوک برید کونکي سره وه.