په کندهار کې د سړک د غاړې په چاودنه کې پرون دوشنبه لږ تر لږه ۶ تنه ملکیان ووژل شول.
د کندهار د والي یو ویاند فضل باري رسنیو ته وویل، بم د تېلو د یوه ټانکر په لاره کې وچاودېده.
د دې حملې مسؤلیت تراوسه چا پر غاړه نه دی اخېستی خو دا ډول بریدونه عموماً د افغانستان د دولت وسله وال مخالفین کوي.
تر دې وړاندې د جمعې په ورځ په کندهار کې په یوه انتحاري حمله کې چې له موټر څخه په کې کار واخېستل شو، یو رومانیايي پوځي ووژل شو.