د غزني ولایت سمه ییز امنیتي چارواکي وايي، د دغه ولایت د جغتو ولسوالۍ امنیه قوماندان محمداسحاق جلیلي نن سهار اته بجي د سړګ غاړې ماین چاودنه کې وژل شوی دی.
د دغه ولایت د پولیسو ویاند فهیم امرخېل نن پنجشنبه ازادي راډيو وویل چې د امنیه قوماندان محمد اسحاق جلیلي موټر هغه مهال د سړک غاړې ماین باندې وربرابر شو کله چې نوموړي په یاده ولسوالۍ کې د خپلو امنیتي پوستو څخه لیدنه کول.
نوموړی وايي په یاده چادونه کې بل کوم چاته زیان دی اوښتی.
تر دا مهاله د دولت کومې مخالفې وسله والې ډلې څه نه دي ویلي.
په یوه بل خبر کې راغلي د غزني په یو شمېر ولسوالیو کې د افغان او بهرنیو ځواکونو په هوایي بریدونو کې د اغا محمد په نامه د طالبانو د یوه مهم قوماندان په ګډون ۱۵ وسله وال مخالفین وژل شوي او درې تنه یې ټپیان دي.
د دغه ولایت درېیمې پلي لېوا ویاند محمد حنیف رضايي نن ازادي راډيو ته وویل چې دغه هوايي بریدونه تېره ورځ د غزني ولایت په اندړو، ده یک او واغظ ولسوالیو کې د وسله والو طالبانو پر پټن ځايونه شوي دي.
نوموړي زیاتوي د دغو طالبانو ګڼې سپکې او درنې وسلې هم له منځه تللي دي.
وسله والو طالبانو تر اوسه په دې اړه څه نه دي ویلي.