د ولسي جرګې رئيس له افغان امنيتي ځواکونو غوښتنه وکړه چې د دولت پر وسلهوالو مخالفینو خپل فشارونه زيات کړي.
عبدالروف ابراهيمي نن د جرګې په عمومي غونډه کې وويل، امنيتي ځواکونه دې په خپل فشار سره وسلهوال مخالفینو د سولې مذاکرو ته اړ کړي:
"د افغانانو په استازيتوب د دغو ځواکونو له رهبرۍ غوښتنه کوم چې پر مخالفینو پوځي فشارونه زيات کړي چې بالاخره مذاکرو ته غاړه کښېږدي. "
د ولسي جرګې رئيس وويل، پردۍ ډلې چې سوله ورته مهمه نهده، بايد نابودې او وځپل شي.
د ولسي جرګې غړو د دوبي له رخصتيو وروسته نن خپل کار رسماً پيل کړ.