د مکسیکو چارواکي وایي چې د پنجشنبې د ورځې د زلزلې د قربانیانو شمېر اته پنځوس تنو ته رسېدلی دی.
د امریکا د جیولوجي سروې وایي چې دا زلزله د ریښتر په کچه اته اعشاریه یو درجه وه.
خو د مکسیکو د کورنیو چارو وزارت د هغې کچه اته اعشاریه څلور ښوولې.
دې زلزلې وړه څونامي جوړه کړه او په مکسیکو کې یې یو شمېر ودانۍ ونړولې.
د مکسیکو د ملکي دفاعي ادارې رئیس د اوکساکا په ایالت کې د پنځه څلوېښت کسانو مړینه تایید کړه او لیوس فیلیپي پانتي پر ټویټر ولیکل چې لس تنه نور په چاپاس سیمه کې او درې تنه هم د تاپاڅکو ایالت په ګالف ساحل کې وژل شوې دي.
د مکسیکو ولسمشر ویلي دي چې دا په نژدې یوې پیړۍ کې تر ټولو سخته زلزله وه.