د افغانستان لپاره د چین سفیر د بدخشان له خلکو سره د بېلابېلو پراختیایي، کرنې او روغتیا په برخه کې د همکارۍ ژمنه کړې ده.
په کابل کې د چین سفیر یو جینګ پرون بدخشان ولایت ته د سفر پر مهال دا ژمنه کړې ده.
د بدخشان د والي ویاند نیک محمد نظري په دې اړه ازادي راډیو ته وویل:
"د بدخشان والي وغوښتل چې هغوی د بېلابېلو پراختیایي، کرنې او روغتیایي پروژو په برخه کې له دوی سره کار وکړي ځکه بدخشان یو غرنی او لیرې پروت ولایت دی، نو ځکه ډېرې ستونزې لري په تېره بیا د روغتیا په برخه کې. هغوی هم ژمنه وکړه چې د همدې لپارهیې دغه ولایت ته سفر کړی څو د خلکو اړتیاوې وارزوي او مرستې وکړي."
چین یو له هغو هېوادونو دی چې په تېرو شااوخوا ۱۵ کلونو کې یې په بېلابېلو اقتصادي برخو لکه د مس عینکو او د امو حوزې په برخه کې په افغانستان کې پانګونې کړې دي.