د ازبکستان ولسمشر شوکت میرضیایف نن سې شنبه په دوه ورځني سفر قرغزستان ته ځي.
دا به په ۱۷ کلونو کې خپل یوه ګاونډي هېواد ته د ازبکستان د یوه ولسمشر لومړنی سفر وي.
د قرغزستان د ولسمشر الماس بېک اتمبایف یوه ویاند پرون دوشنبه په بشکېک کې خبریالانو ته وویل، د ازبکستان ولسمشر به له قرغز ولسمشر او د صدراعظم په ګډون نورو چارواکو سره وویني.
ټاکل شوې ده چې د دې سفر په لړ کې د دوو هېوادونو ترمنځ د ګډې پولې د نښه کولو د تړون په شمول، څو موافقې هم لاسلیک شي.
د ازبکستان او قرغزستان له ۱۴۰۰ کېلومتره پولې څخه نېږدې ۲۳۰یې لانجمنه ده.