د ارزګان ولایت په مرکز ترینکوټ کې یوځايي سرچینه وايي، دغلته تېره ورځ ناوخته ۸ پولیس وسله وال برمته کړي دي.
دغه سرچینې نن یکشنبه د نوم نه ښودلو په شرط ازادي راډيو ته وویل چې دغه پولیس تېره ورځ د دغه ولایت د دهراوود ولسوالۍ څخه مرکز ترینکوټ ته پر لاره وو چې د سرخوم په سیمه کې وسله والو طالبانو ژوندي نیولي دي.
نوموړی زیاتوي، پولیسو لومړی نښته کړې کله چې طالبانو یې یو پولیس وژلی، نو نورو خپلې وسلې پر ځمکه ایښي او تسلیم شوي دي.
وسله والوطالبانوهم دا تائید کړې چې تېره ورځ يې په دغه ولایت کې ۸ پولیس ژوندي نیولي دي.
بل خوا د دغه ولایت امنیتي چارواکي دا نه مني او وايي چې زموږ پولیس نه دي بې ځایه شوي.