د افغانستان ملي دفاع وزارت وايي، په تېرو ۲۴ ساعتونو کې په پوځي عملیاتو کې لږترلږه ۶۳ تنه وسله وال وژل شوي دي.
د دفاع وزارت خبرپاڼه وايي چې په وژل شوو کسانو کې د داعش پنځه غړي او د حقاني شبکې نهه غړي شامل دي.
د خبرپاڼې په حواله، په پوځي عملیاتو کې ۲۸ وسله وال زخمیان شوي دي.
د ملي دفاع وزارت وايي، په وروستیو ۲۴ ساعتونو کې په ننګرهار، کنړ، کاپیسا، پکتیکا، لوګر، کندهار، زابل او هلمند کې ګډو ځواکونو عملیات کړي دي.